مقال × حدوته يا مصر بتعمليها إزاي
مقال × حدوته يا مصر بتعمليها إزاي كان قاعد قدام التليفزيون بيتنقل بين القنوات بلا تركيز كل نشرة أخبار شكل وكل حكاية أثقل من اللي قبلها حروب هنا وانهيارات هناك
ودول كانت مستقرة بقت فجأة خبر عاجل بص للي جنبه وقال إحنا لسه واقفين إزاي
سؤال بسيط في شكله لكن وراه حكاية بلد كاملة لو رجعنا للتاريخ هتلاقي كلام كتير عن مؤامرات ومحاولات إسقاط
لكن خلينا نسيب التاريخ شوية لأن التاريخ ساعات بيتكتب على مزاج اللي بيكتبه
خلينا في الواقع في اللحظة اللي قدامنا سنين مش سهلة عدت كلام عن سقوط وتحليلات عن انهيار وتوقعات ما بتخلصش
بس في الآخر البلد ما وقعتش يمكن في ضغط اقتصادي ويمكن في ناس شايلة فوق طاقتها ويمكن في تعب حقيقي محدش يقدر ينكره
لكن في حقيقة تانية أقوى البلد دي لسه واقفة مش واقفة وخلاص واقفة رغم كل حاجة
الحدوتة مش إن مفيش مشاكل الحدوتة إن المشاكل دي كانت كفيلة توقع بلاد غيرها
لكن كل مرة كانت مصر تقرب تقع كانت حاجة بتشدها لفوق شعبها جيشها ستر ربنا أو أسباب إحنا مش دايما بنفهمها
صاحب لي قال مرة إحنا مش عايشين أحسن عيشة قولت له المهم إنك عايش في بلد لسه اسمها
موجود فرق كبير بين حياة تقيلة وبين إنك تعيش من غير وطن أصلًا جرب
تقعد قدام نشرة أخبار خمس دقايق بس مش علشان تتضايق
لكن علشان تفهم حجم اللي حواليك في بلاد بتتمنى بس توصل للي إحنا فيه حتى لو إحنا شايفينه قليل
ويبقى السؤال اللي بيرجع كل مرةيا مصر بتعمليها إزاي إزاي كل مرة بتعدي وإزاي كل مرة بتقومي
يمكن الإجابة مش في كتاب سياسة ولا تقرير اقتصادي يمكن في دعوة أم أو صبر راجل بسيط أو ستر ربنا اللي أوسع من فهمنا
الخلاصة بسيطة
مش معنى إنك مش مبسوط إنك مش في نعمةومش معنى إن في تعب إن النهاية قربت
في بلاد سقطت وهي أقوى وإحنا لسه واقفين وده في حد ذاته مش صدفة
