تعرف على تصريحات عبد الناصر محمد بعد تعادل مثير مع النادي الأهلي
كتبت: نور خليل
* الحمد لله تقدمنا في أول المباراة بس الأهلي فريق كبيرة قدر يتعادل معانا
* قبل الماتش وصلتلي معلومة إن حسين عموته حذر لاعبته من ابوسنة و ماوولي و مجابش سيرة شلاطة قولت لشلاطة إن المدرب بتاعهم مش عارفك وعايزك تثبت نفسك و دا كان سبب تألقه
* أكيد التعادل امام النادي الأهلي هيكون دافع لينا الفترة الجايه ،و بشكر الفريق بتاعي و الحمد لله على كل حال
* قدرنا نكسب سيراميكا في أول مباراة لينا فأنا مفهم التيم بتاعي أننا نقدر نكسب و مفيش حد كبير ، قولتلهم أثبتوا للناس انكم مش لاعبين درجة ثانية و راهنت عليهم و الحمدلله كانوا قد المسؤولية
* جماهير الإسماعيلية حزينة على نادي الإسماعيلي و ده حقهم و رقم واحد عندهم الإسماعيلي ، ثم القناة ، و كانوا محتاجين الفرحة دي بعيد عن النتيجة بس فرحانين بالأداء لأننا قدمنا أداء محترم ، و بشكرهم جدا
* أنا حذرت من اكتر إثنين حريفه فالأهلي بالنسبالي بن شرقي و إمام ، كلفت اتنين لاعبين بالفريق انهم يكونوا معاهم مان تو مان راحوا على الطرف معاهم ، دخلوا وسط الملعب معاهم ، و الحمدلله عملوا المطلوب منهم
* أهم حاجه عندي تقليل الأخطاء أمام الفرق الكبيره ، لأن الكواليتي بيكون مختلف ، زي الأهلي و الزمالك و سيراميكا هما بيعرفوا يستغلوا الأخطاء و يقدروا يسجلوا
* الأهداف اللي اتسجلت فينا انهارده كلها بسبب أخطاء بسيطة جداً
* أنا مش بقلل من النادي الأهلي ، الأهلي فريق كبير و من أكبر الفرق في الشرق الأوسط، و أفريقيا،و العالم كله
* اشتغلت على أخطاء خط دفاع النادي الأهلي، و قولت للتيم بتاعي نستغل ده و هنقدر نسجل، و التحول يكون سريع و ده الحمد لله حصل في هدف حمدي ذكي
* ربنا يكملنا على خير في المباريات اللي جايه ، و نقدر نركز و نكون في مركز أفضل إن شاء الله ، و نحط نادي القناة في شكل كويس باذن الله
تعرف على تصريحات عبد الناصر محمد بعد تعادل مثير مع النادي الأهلي
