الحاسد والحاقد عود كبريت لا يأكل إلا نفسه
كتب ـ هاني زكريا
أصعب عقاب للحاقد مش إنك ترد عليه، ولا إنك تثبتله إنك أحسن منه…
أنا بقيت بشفق بجد على الناس اللي بتعيش عمرها تراقب غيرها، وتقارن رزقها برزق غيرها، وتستنى أي تعثّر عشان ترتاح.
بشفق على اللي نجاح غيره بيوجعه أكتر ما نجاحه الشخصي بيفرحه، واللي بدل ما يستمتع بالنعم اللي في إيده، يفضل مشغول بالنعم اللي في إيد غيره.
تخيل تبقى كل سعادتك مرتبطة إن حد تاني يقع! وتخيل تبقى مش قادر تستمتع بحياتك لمجرد إن ربنا فتح باب خير لحد غيرك!
دي مش منافسة… دي معاناة.
والحقيقة إني مبقتش ازعل من النوع ده من الناس قد ما بقيت أشفق عليهم.
لأن أصعب سجن ممكن الإنسان يعيش فيه هو قلب مليان غيرة، وعين مش شايفة غير اللي عند الناس.
ربنا يرزقنا جميعًا سلام النفس، وراحة البال، والقناعة… لأن دي نعم مش كل الناس بتعرف قيمتها.
الحاسد والحاقد عود كبريت لا يأكل إلا نفسه
